Pakistanda görmə məsafəsi 50 metrdən aşağı düşüb

Pakistanda dumanlı hava şəraiti ilə əlaqədar olaraq magistral avtomobil yollarında görünüş məsafəsi 50 metrədək məhdudlaşıb.

E-huquq.az Pakistan mətbuatına istinadən xəbər verir ki, əhaliyə zərurət olmadıqca səyahət etməməyə dair xəbərdarlıq edilib.

Hava şəraiti ilə əlaqəli olaraq bir çox reyslər təxirə salınıb.

Təhlükəsizliyin təmin edilməsi məqsədilə Lahordan İslamabada gedən magistral yol bağlanıb.

Polis sürücülərə sürəti artırmamaq və duman əleyhinə işıqları yandırmaq barədə xəbərdarlıq edib.

Şəbnəm Mehdizadə