Baş Prokurorluq məktəblilərin tüstüdən zəhərlənməsi ilə bağlı məlumat yaydı - YENİLƏNİB

Tovuzda şagirdlərin tüstüdən zəhərlənməsi faktı ilə bağlı rayon prokurorluğunda araşdırma aparılır.

E-huquq.az-a Baş Prokurorluğun Mətbuat xidmətindən verilən məlumata əsasən, Tovuz rayon Aşağı Quşçu kənd 1 nömrəli tam orta ümumtəhsil məktəbinin 2 sinfində pelet sobasının tıxanması səbəbindən tüstülünmə nəticəsində 62 nəfərin xəstəxanaya yerləşdirilməsi faktı üzrə Tovuz rayon prokurorluğunda araşdırma aparılır.

Xəstəxanaya müraciət edən şəxslərə ilkin tibbi yardım göstərildikdən sonra ambulator müalicəyə buraxılıb, səhhətləri normaldır.


***


"Respublika Təcili və Təxirəsalınmaz Tibbi Yardım Mərkəzinə dekabrın 19-da 11:00 radələrində Tovuz rayonu, Aşağı Quşçu kəndində yerləşən məktəbdə şagirdlər arasında dəm qazından kütləvi zəhərlənmə şübhəsilə çağırış daxil olub".


Bu barədə e-huquq.az-a TƏBİB-dən məlumat verilib.

Bildirilib ki, çağırış ünvanına təcili tibbi yardım briqadaları cəlb olunub.

"Saat 13:20 radələrinə olan məlumata görə, 55 nəfər Tovuz Rayonu Mərkəzi Xəstəxanasına hospitalizasiya olunub. Zərərçəkənlər Təcili və təxirəsalınmaz tibbi yardım, Reanimasiya, Cərrahiyyə və Yoluxucu xəstəliklər şöbəsinə yerləşdirilib. Onların hər birinə zəruri tibbi xidmətlər göstərilir", - deyə məlumatda bildirilib.

***

Tovuzda orta məktəbdə zəhərlənmə faktı qeydə alınıb.

E-huquq.az-ın məlumatına görə, hadisə rayonun Aşağı Quşçu kənd 1 nömrəli tam orta məktəbində baş verib.

Məktəbin 20-dək şagirdi zəhərlənmə diaqnozu ilə xəstəxanaya aparılıb. İlkin məlumata görə, zəhərlənməyə məktəbin qızdırılmasında istifadə olunan soba səbəb olub. Onların tüstüdən zəhərləndiyi bildirilir.

Xəbər lenti

Milli Məclisdə hakimliyə namizədlərlə görüş keçirildi - FOTO
Türkiyə sərhədini qanunsuz keçməyə cəhd edən 218 nəfər saxlanılıb
Elm və Təhsil Nazirliyi tenderinin qalibini açıqladı
Mərkəzi Bank 34 min manatlıq sifariş verdi
XİN: Azərbaycanın D-8-ə üzv seçilməsi islamofobiya ilə mübarizədə böyük töhfə olacaq
"Qafqazsement" şirkəti məhkəməyə verdi
Baş Prokurorluq məktəblilərin tüstüdən zəhərlənməsi ilə bağlı məlumat yaydı - YENİLƏNİB
Babasının pensiya kartını oğurlamaqda təqsirləndirilən şəxsin məhkəməsi başlayır
Nyu-Yorkda nəsli kəsilmiş heyvan fosili tapılıb
İngiltərədə 56 min evsiz uşaq var
Bütün xəbərlər