- 20:43 | 03.01.2025
- Dünya
ABŞ Prezidenti Co Bayden ən azı 15 nəfərin ölümü ilə nəticələnən terror aktı ilə bağlı Luiziana ştatının Yeni Orlean şəhərinə gedəcək.
E-huquq.az xəbər verir ki, bu barədə Ağ Evin mətbuat xidmətinin yaydığı məlumatda deyilir.
Səfərin yanvarın 6-da baş tutacağı bildirilib.
ABŞ prezidenti və xanımı terror aktı zamanı həlak olanların ailələri, habelə yerli hakimiyyət nümayəndələri ilə görüşmək niyyətindədirlər.
Qeyd edək ki, Yeni il gecəsi Luiziana ştatının Yeni Orlean şəhərinin mərkəzində terror aktı törədilib. Avtomobilin piyadaların üzərinə sürülməsi nəticəsində ən azı 15 nəfərin həlak olduğu, 30 yaralı olduğu bildirilib.
