Şəmkirdə yol qəzasında ağır xəsarət alan piyada 3 gün sonra ölüb
- 16 may 09:42
- Hadisə
Şəmkirdə yol qəzasında ağır xəsarət alan piyada 3 gün sonra ölüb.
E-huquq.az-ın əldə etdiyi məlumata görə, hadisə mayın 12-si Şəmkir rayonu, Zəyəm-Cırdaxan kəndi ərazisində qeydə alınıb. Belə ki, 1983-cü il təvəllüdlü İsmayılov Sahilin oğlu idarə etdiyi "VAZ-2103" markalı avtomobillə torpaq yolda hərəkətdə olarkən yolu sürücü istiqamətində soldan sağa tərəf keçən piyada 1947-ci il təvəllüdlü Cəfərova Həqiqət Mürsəl qızını ehtiyatsızlıqdan vurub.
Nəticədə ağır xəsarətlər alan Həqiqət Cəfərova Şəmkir rayon Mərkəzi Xəstəxanasında yerləşdirilib. Tibbi yardım edilməsinə baxmayaraq o, mayın 15-də ölüb.
Faktla bağlı Şəmkir Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanaraq istintaqı aparılır.
Orxan Rasifoğlu
