- 17:03 | 29.12.2024
- Dünya
Norveçdən Hollandiyaya uçan sərnişin təyyarəsi təcili eniş zamanı uçuş-enmə zolağından çıxıb.
E-huquq.az xəbər verir ki, Oslo hava limanından Amsterdama qalxarkən yüksək səs eşidilən təyyarə Sandefjord hava limanına yönləndirilib.
Təcili eniş zamanı “Boeing 737-800” tipli təyyarə uçuş-enmə zolağından çıxaraq ot örtüyünə düşüb. Təyyarənin göyərtəsində olan 176 sərnişin və 6 ekipaj üzvündən xəsarət alan olmayıb.
Hadisə ilə bağlı araşdırma aparıldığı bildirilib.
Norveç mətbuatında çıxan xəbərlərə görə, təyyarə hidravlik sistemindəki nasazlıq səbəbindən təcili eniş edib.
Şəbnəm Mehdizadə
