- 00:37 | 21.12.2024
- Dünya
ABŞ hərbi qüvvələri dekabrın 19-da Suriyanın Deyr əz-Zor əyalətində İŞİD-in lideri Əbu Yusifi, eyni zamanda Mahmud ləqəbi ilə tanınan terrorçunu aviazərbə ilə öldürülüb.
E-huquq.az xəbər verir ki, bu barədə məlumat ABŞ Mərkəzi Komandanlığının (CENTCOM) X sosial şəbəkəsindəki rəsmi səhifəsində yayımlanıb.
“Dekabrın 19-da ABŞ Mərkəzi Komandanlığı Deyr əz-Zor əyalətində İŞİD liderinə qarşı dəqiq hava hücumu həyata keçirib,” - deyə məlumatda qeyd edilib.
Hava əməliyyatı nəticəsində Əbu Yusiflə yanaşı daha bir İŞİD üzvü də zərərsizləşdirilib. CENTCOM-un bəyanatına əsasən, bu əməliyyat ABŞ və onun müttəfiqləri üçün təhlükə yaradan terror təhlükəsinin qarşısını almaq məqsədilə həyata keçirilib.
Mərkəzi Komandanlıq gələcəkdə də terrorizmlə mübarizədə qətiyyətli tədbirlər görəcəyini bildirib.
