- 11:23 | 29.11.2024
- Dünya
Sudanda vəba epidemiyasına yoluxanların sayı 43 mini keçib.
E-huquq.az xarici mətbuata istinadən xəbər verir ki, bu barədə Sudan Səhiyyə Nazirliyi məlumat yayıb.
Məlumata görə, ölkədə vəbaya yoluxanların ümumi sayı 43 min 490-a çatıb.
Emidemiyada həyatını itirənlərin sayı isə 1187 nəfər olub.
Məlumatda ökədə “danq” qızdırmasına yoluxanların sayının 8 min 8-ə çatdığı və 16 nəfərin bu xəstəlik səbəbindən həyatını itirdiyi bildirilib.
Qeyd edək ki, Sudanda iyun ayında başlayan yağışlar və daşqınlar vəba xəstəliyinin yayılmasına səbəb olub.
Sudan hökuməti avqustun 12-də vəba xəstəliyini epidemiya elan edib.
Şəbnəm Mehdizadə
