Sosial kirayə müqaviləsi ilə yaşayış sahələri veriləcək şəxslərin əhatə dairəsi genişləndirildi

Sosial kirayə müqavilələri əsasında qanunvericiliklə müəyyən edilən kateqoriyadan olan digər vətəndaşlara da dövlət və ya bələdiyyə mənzil fondunun yaşayış sahələri veriləcək.

E-huquq.az-ın xəbərinə görə, bu, Prezident İlham Əliyevin təsdiqlədiyi Mənzil Məcəlləsinə olunan dəyişiklikdə əksini tapıb.

Nəzərdə tutulmuş qanunvericiliklə müəyyən edilən kateqoriyadan olan digər vətəndaşlar sosial kirayə müqaviləsi əsasında dövlət mənzil fondunun yaşayış sahəsini əldə etmək məqsədilə yalnız bir dəfə yaşayış sahəsinə ehtiyacı olan qismində uçota alına bilərlər.