Mingəçevirdə məktəblini bıçaqlayan 22 yaşlı oğlan tutuldu - YENİLƏNDİ

Mingəçevirdə yeniyetməni bıçaqlamaqda şübhəli bilinən şəxs saxlanılıb.

Bu barədə e-huquq.az-a DİN-in Mətbuat Xidmətinin Şəki regional qrupundan bildirilib.

Məlumatda qeyd olunur ki, 4 saylı Mingəçevir şəhər orta məktəbinin 10-cu sinif şagirdi Pünar Nəsrullayevi bıçaqlamaqda şübhəli bilinən 22 yaşlı Nihat Həsənzadə polis tərəfindən saxlanılaraq istintaqa təhvil verilib.

Faktla bağlı araşdırma davam etdirilir.

***

10:21

Mingəçevirdə bıçaqlanma hadisəsi baş verib.

E-huquq.az xəbər verir ki, hadisə Energetiklər yaşayış massivi ərazisində qeydə alınıb.

Belə ki, mübahisə zəmnində 2009-cu il təvəllüdlü şəhər sakini Pünar Asif oğlu Nəsrullayev bıçaqlanıb.

Xəstəxanaya çatdırılan yeniyetmənin həyatını xilas etmək mümkün olub.

DİN-in Mətbuat Xidmətinin Şəki regional qrupundan Teleqraf-ın sorğusuna cavab olaraq bildirilib ki, yeniyetməyə xəsarət yetirən şəxsin kimliyi müəyyən olunub.

Onun saxlanılması istiqamətində polis əməkdaşları tərəfindən tədbirlər görülür.