Azərbaycan səfiri İran – Azərbaycan parlamentlərarası dostluq qrupunun başçısı ilə ikitərəfli əlaqələri müzakirə etdi - FOTO

Azərbaycanın İrandakı səfiri Əli Əlizadə İran – Azərbaycan parlamentlərarası dostluq qrupunun başçısı Südeyf Bədri ilə ikitərəfli əlaqələri müzakirə edib.

E-huquq.az xəbər verir ki, bu barədə Tehrandakı diplomatik missiyanın sosial şəbəkə hesabında bildirilib.

“Azərbaycan Res. İran İR-dəki səfiri Ə.Əlizadə İran-Azərbaycan parlamentlərarası dostluq qrupunun rəhbəri Südeyf Bədri və qrupun üzvləri ilə görüşüb, ikitərəfli əlaqələrə və dostluq qrupları arasında qarşılıqlı faydalı əməkdaşlığın daha da artırılmasına dair fikir mübadiləsi aparıb”, – səfirliyin mətbuat xidməti qeyd edib.