Heyvan otarmaq üstdə tanışını bıçaqlayan şəxs məhkəmə zalından azadlığa buraxıldı

Ağdamda tanışını bıçaqlamaqda təqsirləndirilən İlyas Orucovun (ad-soyad şərtidir) cinayət işi üzrə məhkəmə prosesi başa çatıb.

E-huquq.az-ın məlumatına görə, Gəncə Ağır Cinayətlər Məhkəməsində hakim Dadaş İmanovun sədrliyi ilə keçirilən prosesdə hökm oxunub.

Hökmə əsasən, İ.Orucov Cinayət Məcəlləsinin 126.1-ci maddəsində nəzərdə tutulan cinayət əməlini törətməkdə təqsirli bilinib, ona CM-nin 62-ci maddəsi tətbiq edilməklə CM-nin 126.1-ci maddəsi ilə, 1 il 6 ay müddətə azadlıqdan məhrumetmə cəzası təyin edilib. Ona təyin olunmuş 1 il 6 ay müddətə azadlıqdan məhrumetmə cəzası onun 10 avqust 2023-ci il tarixdən 19 mart 2025-ci tarixə kimi həbsdə olduğu müddətlə əvəz edilməklə cəzasını çəkmiş hesab olunub. Təqsirləndirilən şəxs barəsində seçilmiş "həbs" qətimkan tədbiri ləğv edilib və o, dərhal məhkəmə iclas zalında həbsdən azad edilib.

Qeyd edək ki, İ.Orucov Ağdam rayonu, Təzəkənd qəsəbəsi ərazisində otlaq sahəsində iri buynuzlu heyvanlarını otararkən Nadir Babayev (ad-soyad şərtidir) ilə heyvanlarını artezian quyusunun ərazisindən çıxarması ilə əlaqədar aralarında mübahisə baş verib. Mübahisə zamanı əlində olan ağacla sonuncunun baş nahiyyəsinə zərbə endirib. Daha sonra əynində olan göy rəngli cins şalvarın arxa hissəsindən çığardığı məişət təyinatlı səyahət bıçağı ilə zərərçəkmiş şəxsin qarın nahiyyəsinə zərbə vurub.m Ona qarşı Cinayət Məcəlləsinin 126.2.2-ci maddəsi ilə ittiham irəli sürülüb.

Şəbnəm Mehdizadə