Lənkəranda 24 yaşlı oğlanın qətlində təqsirləndirilən gənc hakim qarşısına çıxarılır

Lənkəranda adam öldürməkdə təqsirləndirilən Ruslan Məmizadənin cinayət işi üzrə ibtidai istintaq başa çatıb.

E-huquq.az-ın məlumatına görə, iş üzrə toplanmış materiallar baxılması üçün Lənkəran Ağır Cinayətlər Məhkəməsinə göndərilib.

İş hakim Ayşən Vəliyevanın icraatına verilib. Məhkəmənin hazırlıq iclası fevralın 13-də keçiriləcək.

Qeyd edək ki, 2003-cü il təvəllüdlü Məmizadə Ruslan Lənkəran rayonu ərazisində 2000-ci il təvəllüdlü Elnur Cəfərovu bıçaqlayaraq öldürməkdə təqsirləndirilir. Ona qarşı Cinayət Məcəlləsinin 120.2.4-cü maddəsi ilə ittiham irəli sürülüb.

Şəbnəm Mehdizadə