"Dokta" cərimə oluna bilər

Apteklərdə resept təqdim edilməklə buraxılmalı olan dərman vasitələrinin reseptsiz buraxılmasına və ya yetkinlik yaşına çatmayanlara dərman vasitələrinin buraxılması qaydalarının pozulmasına görə "Dokta" MMC-yə cərimə yazılıb.

E-huquq.az-ın məlumatına görə, şirkət barədə İnzibati Xətalar Məcəlləsinin 452.1-ci maddəsi ilə tərtib olunan protokol baxılması üçün Abşeron Rayon Məhkəməsinə göndərilib.

İş hakim Firuzə Kərimovanın sədrliyi ilə araşdırılacaq. Məhkəmənin hazırlıq iclası fevralın 14-nə təyin olunub.

Protokol təsdiq olunarsa, "Dokta" yüz əlli manatdan iki yüz əlli manatadək məbləğdə cərimə edilə bilər.

Şəbnəm Mehdizadə