Gömrük Komitəsinə işə düzəltmə adı ilə 10 min pul aldı

Bakıda işədüzəltmə adı ilə dələduzluq etməkdə təqsirləndirilən Firuz Qasımovun (ad-soyad şərtidir) cinayət işi üzrə məhkəmə araşdırması yekunlaşıb.

E-hhuquq.az-ın məlumatına görə, Sabunçu Rayon Məhkəməsində hakim Nigar İmanovanın sədrliyi ilə keçirilən prosesdə hökm oxunub.

Hökmə əsasən, F.Qasımov 2 il müddətə azadlıqdan məhrum edilib.

İttihama görə, F.Qasımov N.Əliyevi aldadaraq onun oğlunu Gömrük Komitəsinə işə düzəlmə kimi yalan vədlər verib bunun müqabilində 20000 manat məbləğində pulun verilməsinin zəruriliyini bildirib. O, ayrı-ayrı vaxtlarda zərərçəkmiş şəxslə görüşüb müxtəlif məbləğdə pullar alaraq sonuncuya ümumilikdə 10 100 manat məbləğində maddi ziyan vurmaqla dələduzluq edib. F.Qasımova qarşı Cinayət Məcəlləsinin 178.2.4-cü maddəsi ilə ittiham irəli sürülüb.

Şəbnəm Mehdizadə