- 7 Sentyabr 13:30
Külli miqdarda narkotik vasitələri satış məqsədi ilə İran vətəndaşından alaraq Azərbaycana keçirməkdə təqsirləndirilən Ufad Məmmədzadəyə hökm oxunub.
E-hüququ.az-ın məlumatına görə bu barədə hökm Bakı Ağır Cinayətlər Məhkəməsinin hakimi Azər Tağıyevin sədrliyi ilə keçirilən prosesdə elan edilib.
Hökmə əsasən, Ufad Məmmədzadənin şəxs 6 il 6 ay müddətinə azadlıqdan məhrum edilib.
Xatırladaq ki, prokuror Rauf Malışov məhkəmədən təqsirləndirilən şəxsin 8 il müddətinə azadlıqdan məhrum edilməsini istəmişdi.
Qeyd edək ki, Ufad Məmmədzadə bu ilin yanvar ayının ortalarında külli miqdarda narkotik vasitələri və psixotrop maddələri satış məqsədi ilə qanunsuz olaraq İrandan əldə edib. O, Daxili İşlər Nazirliyi Baş Narkotiklərlə Mübarizə İdarəsinin əməkdaşlarının keçirdikləri birgə əməliyyat tədbirləri nəticəsində saxlanılıb. Ondan külli miqdar təşkil edən 5 kilo marixuana çəkidə narkotik vasitə ələ keçirilib.
Ona qarşı Cinayət Məcəlləsinin 234.4.1 və 234.4.3-cü (qabaqcadan əlbir olan bir qrup şəxs tərəfindən külli miqdarda narkotik vasitəni əldə etmə və daşıma) maddələri ilə ittiham irəli sürülüb.
Orxan Rasifoğlu