Gəncə və Tovuzda yanğın oldu

Gəncə şəhərində dördmərtəbəli yaşayış binasının 1-ci mərtəbəsində ümumi sahəsi 65 m² olan 2 otaqlı mənzilin mətbəxinin yanar konstruksiyaları 5 m² sahədə yanıb.

Bu barədə e-huquq.az-a Fövqəladə Hallar Nazirliyinin Mətbuat xidmətindən məlumat verilib.

Yüksək temperaturdan bir otağın içərisində olan 1 ədəd televizor, plastikdən ibarət qapı və pəncərə qismən qarsalanıb. Yanğın zamanı yanğınsöndürənlər tərəfindən 5 nəfər bina sakini təhlükəsiz əraziyə təxliyə olunub. Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Tovuz rayonunun Dönük Qırıqlı kəndində ferma ərazisində ümumi sahəsi 40 m² olan 2 otaqlı tikilinin bir otağının yanar konstruksiyaları 20 m² sahədə yanıb. Tikilinin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.