Qəzza zolağında 39 mindən çox uşaq valideynlərini itirib

İsrailin 2023-cü il oktyabrın 7-dən Qəzza zolağında həyata keçirdiyi hücumlar nəticəsində 39 mindən çox uşaq valideynlərindən birini və ya hər ikisini itirib.

E-huquq.az xəbər verir ki, bu barədə Fələstin Mərkəzi Statistika Bürosu məlumat yayıb.

Məlumata görə, bu uşaqların təxminən 17 mini hər iki valideynini itirib.

Bu uşaqların əksəriyyəti köhnə və cırıq çadırlara və ya xaraba evlərə sığınmaq məcburiyyətində qalıb. Onlar demək olar ki, sosial qayğı və psixoloji dəstəkdən tamamilə məhrumdurlar. Uşaqlar ağır kədər, tənhalıq və xroniki qorxu kimi dərin psixoloji sıxıntılardan əziyyət çəkirlər.

Aclıq və qida çatışmazlığı Qəzza zolağında uşaqların həyatını təhdid edir. Kəskin qida çatışmazlığı hallarının sayının 60 mini keçdiyi təxmin edilir.

Humay Eminqızı