Bakıda qarlı havada xəsarət alanların sayı 165 nəfərə çatdı - YENİLƏNDİ

Qarlı hava şəraiti ilə əlaqədar Travmatologiya və Ortopediya İnstitutuna müraciət edənlərin sayı açıqlanıb.

İnstitutdan e-huquq.az-a bildirilib ki, dünəndən bu günədək 165 nəfərin müraciəti qeydə alınıb.

***

13:36

Qarlı hava şəraiti ilə əlaqədar indiyədək 84 nəfər xəsarət alıb.

Bu barədə e-huquq.az-a TƏBİB-dən məlumat verilib.

Bildirilib ki, Respublika Təcili və Təxirəsalınmaz Tibbi Yardım Mərkəzinə qarlı hava şəraiti ilə əlaqədar indiyədək 41-i qadın, 43-ü kişi olmaqla, 84 nəfərin müraciəti qeydə alınıb. Onlardan 79 nəfər müxtəlif travmalarla müvafiq tibb müəssisələrinə hospitalizasiya olunub.

"Müraciət edənlərdən 5 nəfərə yerində yardım olunub", məlumatda qeyd edilib.