92-dən çox ölkə Peterburq Beynəlxalq İqtisadi Forumunda iştirakını təsdiqləyib

Sankt-Peterburq Beynəlxalq İqtisadi Forumunun başlamasına iki ay qalmış 92-dən çox ölkə və ərazinin nümayəndələri öz iştirakını təsdiqləyib.

E-huquq.az xarici mətbuata istinadən xəbər verir ki, bu göstərici 2024-cü ilin eyni dövrü ilə müqayisədə 5% çoxdur.

"Bu, göstəricilər dünyada yeni iqtisadi əlaqələrin formalaşması üçün aparıcı platforma kimi Forumun artan qlobal əhəmiyyətini əyani şəkildə nümayiş etdirir”, - deyə Rusiya Federasiyası Prezidentinin müşaviri və Sankt-Peterburq Beynəlxalq İqtisadi Forumunun Təşkilat Komitəsinin icraçı katibi Anton Kobyakov qeyd edib.

Onun sözlərinə görə, 2025-ci ildə Asiya, Afrika və Latın Amerikası ölkələri foruma xüsusi maraq göstəriblər.

Humay Eminqızı