Türkiyədə İŞİD-ə qarşı əməliyyatda 13 nəfər saxlanılıb

Türkiyənin İzmir şəhərində İŞİD terror təşkilatı qarşı keçirilən əməliyyatda 13 şübhəli saxlanılıb.

E-huquq.az Türkiyə mətbuatına istinadən xəbər verir ki, İzmir Respublika Baş Prokurorluğu tərəfindən təşkilat üzvləri ilə əlaqəsi olan şəxslərin fəaliyyətlərinin aşkar edilərək ifşa edilməsi istiqamətində davam edən işlər çərçivəsində 12-si Suriyalı olmaqla 15 şübhəli haqqında həbs qərarı çıxarılıb.

Həyata keçirilən əməliyyatda 13 şübhəli tutulub.

Digər şübhəlilərin tutulması istiqamətində işlər davam etdirilir.

Qeyd edək ki, şübhəlilərin evlərində aparılan axtarış zamanı 1 milyon 361 min lirə, bəzi qızıl və rəqəmsal materiallar ələ keçirilib.

Humay Eminqızı