Çanaqqalada 29 qanunsuz miqrant saxlanılıb

Türkiyənin Çanaqqala şəhərində 29 qanunsuz miqrant saxlanılıb.

E-huquq.az Türkiyə mətbuatına istinadən xəbər verir ki, Sahil Mühafizəsi tərəfindən Çanaqqalanın Ayvacık sahillərində rezin qayıqda bir qrup qanunsuz miqrantın olduğu aşkarlanıb.

Hərəkətdə olan rezin qayıq təyin olunmuş Sahil Mühafizəsi “KB-20” gəmisi tərəfindən dayandırılıb və 28-i əfqan, 1-i İran vətəndaşı olmaqla ümumilikdə 29 qeyri-qanuni miqrant saxlanılıb.

Miqrantlar aidiyyəti qurumlara təhvil verilib.

Şəbnəm Mehdizadə