İstanbulda torpaq sürüşməsi zamanı 3 nəfər yaralanıb

Türkiyənin İstanbul şəhərində tikinti işləri zamanı torpaq sürüşməsi baş verib.

E-huquq.az Türkiyə mətbuatına istinadən xəbər verir ki, Ataşehir rayonu Ferhatpaşa məhəlləsində baş hadisə zamanı 3 fəhlə torpaq altında qalıb.

Hadisə yerinə çoxlu sayda təcili tibbi yardım və polis əməkdaşları göndərilib.

Dağıntılar altından çıxarılan 3 nəfər xəstəxanaya aparılıb.

Hadisə ilə bağlı araşdırmalara başlanılıb.

Şəbnəm Mehdizadə