İzmirdə 29 qeyri-qanuni miqrant tutulub

Türkiyənin İzmir şəhərinin Dikili rayonu sahillərində 29 qanunsuz miqrant tutulub.

E-huquq.az "TRT Haber"ə istinadən xəbər verir ki, bu barədə Sahil Mühafizə Komandanlığının internet saytında məlumat verilib.

Açıqlamaya görə, Dikili rayonu sahillərində rezin qayıqda bir qrup qeyri-qanuni mühacirin olması barədə xəbər alındıqdan sonra bölgəyə qruplar göndərilib.

Komandalar tərəfindən dayandırılaraq sahilə çıxarılan rezin qayıqda 10-u uşaq olmaqla 29 qeyri-qanuni miqrant yaxalanıb.

Prosedurların ardınca qanunsuz miqrantlar miqrasiya idarəsinə göndərilib.

Şəbnəm Mehdizadə