Konqoda qayığın batması nəticəsində 50 nəfər həlak olub

Konqo Demokratik Respublikasında qayıq aşıb.

E-huquq.az xarici mətbuata istinadən xəbər verir ki, hadisə ölkənin Mayita şəhəri yaxınlığında, Konqo çayında baş verib.

Qayığın aşması nəticəsində azı 50 nəfər ölüb.

Ölənlərin sayının artacağı istisna edilmir.

Bölgədə axtarış-xilasetmə işləri davam edir.

Qeyd edək ki, Konqoda kifayət qədər asfalt yollar olmadığından nəqliyyat üçün çay və göllərdən istifadə olunur.

Şəbnəm Mehdizadə