Zelenski: ABŞ-dən böyük miqdarda silah almağa hazırıq

“Ukrayna ABŞ-dən böyük miqdarda silah, o cümlədən “Patriot” zenit-raket kompleksləri almağa hazırdır”.

E-huquq.az xəbər verir ki, bu barədə Ukrayna Prezidenti Volodimir Zelenski məlumat verib.

Ukrayna lideri deyib: “Kiyev Vaşinqtondan əlavə silah paketini pulsuz verməsini istəməyib. Biz 30 və 50 milyard dollara silah almağa hazırıq. Trampa zəng edərək ən azı 10 “Patriot” hava hücumundan müdafiə sistemi vermələrini xahiş etdim”. V.Zelenski vurğulayıb ki, Kiyev Amerika silahlarını almaq üçün “çox müxtəlif formatlara və alətlərə” malikdir.