Estoniya Pravoslav Kilsəsinə qarşı qanun layihəsini qəbul etdi

Estoniya parlamenti ölkədəki Estoniya Pravoslav Xristian Kilsəsinin (EOCC) fəaliyyətinə qadağa qoyulmasına səbəb ola biləcək qanunvericiliyə düzəlişləri yekun oxunuşda qəbul edib.

E-huquq.az xəbər verir ki, bu barədə ölkənin dövlət televiziya və radio portalı məlumat yayıb.

Qanun layihəsinin lehinə 60 deputat, əleyhinə isə 13 deputat səs verib, 16 deputat isə bitərəf qalıb.

Yeni qanun Estoniya Pravoslav Xristian Kilsəsinin Moskva Patriarxlığının tabeliyindən çıxmaqla nizamnaməsini dəyişməyə məcbur edir. Əks halda, iki aydan sonra Estoniya Daxili İşlər Nazirliyi, pravoslav kilsələrinin hüquqi şəxs kimi fəaliyyətini dayandırmaq üçün məhkəməyə müraciət edə biləcək.

Bu addım Estoniya parlamentinin 2024-cü ilin mayında Rus Pravoslav Kilsəsini, Rusiyanın Ukraynadakı hərbi əməliyyatını dəstəkləyən bir qurum olaraq tanımasından sonra atılıb. O vaxt Estoniya Daxili İşlər Nazirliyinin rəhbəri Lauri Länemets, Estoniya Pravoslav Kilsəsinin Moskva Patriarxlığının fəaliyyətini bidət olaraq qəbul edəcəyini və bunun qarşısını almağa çalışacaqlarını bildirmişdi.