Yerə 15 mərtəbəli bina hündürlüyündə asteroid yaxınlaşır

NASA Yerə planetinə çırpılma ehtimalı olan 2024 YR4 asteroidinin bir bina böyüklüyündə olduğunu açıqlayıb.

E-huquq.az xarici mətbuata istinadən xəbər verir ki, Webb Kosmik Teleskopu 2032-ci ildə Yerə çırpılacağı güman edilən asteroidin təfərrüatlı şəkillərini əldə edib. Keçən il kəşf edilən və ilkin hesablamalara görə Yerlə toqquşma ehtimalının 3 faiz olduğu təyin olunan asteroid dünyada panikaya səbəb olub. Lakin əlavə müşahidələr göstərdi ki, bu təhlükə demək olar ki, sıfıra enib.

NASA və Avropa Kosmik Agentliyi (ESA) tərəfindən yayımlanan görüntülər asteroidin təxminən 60 metr diametrində, yəni 15 mərtəbəli binanın ölçüsündə olduğunu göstərir. Webb kosmosa göndərilən ən böyük və ən güclü teleskop olsa da, bu asteroid indiyə qədər müşahidə etdiyi ən kiçik obyektdir.

Cons Hopkins Universitetinin astronomu Endryu Rivkin bəyan edib ki, aparılan müşahidələr gələcəkdə dünya üçün təhlükə yarada biləcək asteroidləri izləmək üçün çox mühüm cəhddir: “Bu müşahidələr bizə 2024 YR4 ölçülü digər asteroidlər haqqında çox vacib məlumat verir və gələcəkdə dünya üçün potensial təhlükələri anlamağa kömək edir”, - Rivkin bildirib.

Şəbnəm Mehdizadə