Havanın çirklənməsi depressiya riskini artırır - ARAŞDIRMA

Çinin Harbin Tibb Universiteti və İngiltərənin Krenfild Universiteti tərəfindən aparılan birgə araşdırma nəticəsində məlum olub ki, hava çirkliliyinə uzun müddət məruz qalma depressiya riskini əhəmiyyətli dərəcədə artırır.

E-huquq.az xarici mətbuata istinadən xəbər verir ki, tədqiqatda hava çirklənməsinin depressiyaya təsiri ətraflı şəkildə tədqiq edilib. Tədqiqatı aparan alimlər ətraf mühitin çirklənməsinin psixi sağlamlığa xeyli mənfi təsir etdiyini müəyyən edib.

Tədqiqatçılar havanın keyfiyyətinə dair daha sərt qaydalar tətbiq edilməli olduğunu bildirib.

Qeyd edək ki, hər il dünyada milyonlarla insan qeyri-sağlam hava şəraitinə məruz qalır.

Şəbnəm Mehdizadə