İngiltərədə sakinləri təqib edən yırtıcı quş tutulub

İngiltərənin Hertfordşir bölgəsindəki Flamstead kəndində sakinləri narahat edən quş tutulub.

E-huquq.az xarici mətbuata istinadən xəbər verir ki, quş bi müddətdir ki, ətrafda yaşayn insanları narahat etməyə başlayıb. Kənd sakinləri yırtıcı quşun xüsusilə səhər saatlarında insanlara qəfil hücum etdiyini bildirib.

Quşu tutan 40 yaşlı fizioterapevt Stiv Harris qaçış zamanı quşun onu yaxından təqib etdiyini söyləyib. Daha əvvəl iki dəfə şahin hücumuna məruz qaldığını deyən Harris artıq evdən çıxarkən velosiped dəbilqəsi taxmağa başlayıb. O, bağına gələn yırtıcı quşun üzərinə qəfəs ataraq onu tutmağı bacarıb.

Yırtıcı quşun keçmişdə Wimbledon Tennis Turnirində göyərçinləri dəf etmək üçün istifadə edildiyi mlum olub. O, yoxlanıldıqdan sonra mütəxəssislərə təhvil verilib.

Şəbnəm Mehdizadə