Türkiyədə 700-dək qanunsuz miqrant deportasiya ediləcək

4 Aprel 13:42

Türkiyədə 696 qeyri-qanuni miqrantın deportasiya prosedurlarına start verilib.

E-huquq.az yerli mətbuata istinadən xəbər verir ki, bu barədə Türkiyənin Miqrasiya İdarəsi məlumat yayıb.

Məlumata görə, Ramazan Bayramı zamanı Miqrasiya İdarəsi, Təhlükəsizlik Baş İdarəsi, Jandarma Baş Komandanlığı və Sahil Mühafizəsi Komandanlığı tərəfindən qeyri-qanuni miqrasiya və miqrant qaçaqmalçılarına qarşı yoxlamalar həyata keçirilib.

270 səyyar miqrasiya məntəqəsi vasitəsi ilə həyata keçirilən yoxlama və tətbiqlərdə 37 min 406 əcnəbinin şəxsiyyəti yoxlanılıb, 696 qeyri-qanuni miqrant aşkarlanıb.

Miqrasiya İdarəsinə təhvil verilən miqrantların deportasiya prosedurlarına başlanılıb.

Yoxlamalarda 6324 nəfər əməkdaş iştirak edib.

Şəbnəm Mehdizadə