Türkiyədə 648 nəfər dönərdən zəhərlənib

Türkiyənin Kocaeli şəhərində 648 nəfər dönərdən zəhərlənib.

E-huquq.az “TRT Haber”ə istinadən xəbər verir ki, bu barədə Kocaeli valiliyi məlumat yayıb.

Məlumata görə, aprelin 1-də Körfez rayonunda yerləşən restoranlardan birində dönər yeyən 648 nəfər qida zəhərlənməsi şübhəsi ilə xəstəxanalara yerləşdirilib.

646 nəfər evə buraxılıb, 2 xəstənin müalicəsi davam etdirilir.

Restoranın məhsullarından nümunələr götürülüb.

Ekspertiza nəticəsində məhsulların qida qaydalarına uyğun olmadığı müəyyən edilib.

Restroanın fəaliyyəti dayandırılıb.

Hadisə ilə bağlı 2 nəfər həbs olunub.

Şəbnəm Mehdizadə