Türkiyədə oteldə yanğın olub, zərərçəkənlər var


  • 4 Aprel 12:39

Türkiyənin Muğla şəhərində oteld yanğın hadisəsi baş verib.

E-huquq.az "TRT Haber"ə istinadən xəbər verir ki, Muğlanın Marmaris rayonunda yerləşən 5 ulduzlu oteldə naməlum səbəbdən yanğın başlayıb.

Hadisə nəticəsində 6 nəfər tüstüdən zəhərlənib.

680 nəfərin yerləşdiyi otel təxliyə edilib.

Hadisə yerinə çoxlu yanğınsöndürmə briqadaları göndərilib. Yanğın qısa müddətdə nəzarətə götürülüb.

Bayram tətilində oteldə qalan 680 nəfər digər otellərə yerləşdirilib.

Qazanxanada başladığı ehtimal edilən yanğının səbəbi araşdırılır.

Şəbnəm Mehdizadə

Oxşar xəbərlər