Myanmada zəlzələ qurbanlarının sayı 3 145 nəfərə çatıb

Myanmada baş verən dağıdıcı zəlzələ qurbanlarının sayı 3 145 nəfərə çatıb.

E-huquq.az xarici mətbuata istinadən xəbər verir ki, təbii fəlakət zamanı ölənlərin sayı 3 145-ə, yaralananların sayı isə 4 589-a çatıb.

İtkin düşmüş 221-dən çox şəxsin axtarış-xilasetmə işləri davam edir.

Zəlzələ nəticəsində məktəblər, monastırlar, xəstəxanalar və hökumət binaları ilə birlikdə təxminən 22 min ev dağılıb.

Qeyd edək ki, martın 28-də Myanmanın Saqainq bölgəsi yaxınlığında 7,7 və 6,4 bal gücündə iki zəlzələ baş verib.

Zəlzələ Myanma ilə yanaşı, qonşu Tailand və Çində də güclü hiss olunub.

Humay Eminqızı