Litvada həlak olan 4 əsgərin cənazəsi ABŞ-yə göndəriləcək

Litvanın Pabrade şəhəri yaxınlığında keçirilən təlimdən sonra cəsədləri aşkarlanan 4 ABŞ əsgərinin cənazələri ABŞ-ə rəsmi mərasimlə yola salınacaq.

E-huquq.az xarici mətbuata istinadən xəbər verir ki, Litva Prezidenti Gitanas Nauseda, mülki və hərbi rəsmilər əsgərlərin cəsədlərini daşıyan maşınların Vilnüsdəki morqdan hava limanına doğru hərəkəti zamanı bir dəqiqəlik sükutla yad edəcək.

ABŞ rəsmilərinin verdiyi açıqlamaya görə, cəsədlər Vilnüs Hava Limanında ABŞ Hərbi Hava Qüvvələrinə məxsus nəqliyyat təyyarəsinə təhvil verilərək Delaverdəki Dover Hərbi Hava Qüvvələri bazasına aparılacaq.

Həyatını itirən əsgərlərin Corciyadakı Fort Stüart bazasında yerləşən ABŞ ordusunun 3-cü piyada diviziyasından olduğu bildirilib.

Şəbnəm Mehdizadə