- 11:06
Çin yer radarlarının kalibrlənməsi və ölçmə parametrləri üçün istifadə ediləcək peyki kosmosa göndərdi.
E-huquq.az xarici KİV-ə istinadən xəbər verir ki, “Tienping 3A-02” peyki ölkənin şimalındakı Şansi əyalətindəki Tayyuen Peyk Mərkəzindən “Long March-6” daşıyıcı raketi ilə orbitə çıxarılıb. Orbitdə planlaşdırılan mövqeyinə yerləşmiş peyk yer radarlarının kalibrlənməsi və en kəsiyinin ölçülməsi üçün istifadə olunacaq.
Peykin, həmçinin optik yerüstü stansiyaların təsviri təcrübələrinə, aşağı yer orbitinin kosmik mühitinin izləmə sınaqlarına, kosmik mühit atmosferinin ölçülməsinə və orbitin proqnozlaşdırılması modellərinin korreksiyasına töhfə verəcəyi nəzərdə tutulub.
Qeyd edək ki, bu, "Long March" raketləri ilə həyata keçirilən 568-ci uğurlu missiyadır.
"Tienping 3A-01" peyki 22 oktyabr 2024-cü ildə kosmosa göndərilib.
Humay Eminqızı