Hindistana uçan təyyarə məcburi eniş edib

İngiltərənin paytaxtı Londondan Hindistana uçan təyyarə Diyarbəkir hava limanına məcburi eniş edib.

E-huquq.az Türkiyə mətbuatına istinadən xəbər verir ki, dünən London-Mumbay reysini həyata keçirən “Virgin Atlantic Airlines”a məxsus A350-1000 tipli təyyarədə olan BİR sərnişin xəstələnib.

Buna görə də təyyarə Diyarbəkir hava limanına məcburi eniş edib.XƏstəyə tibb qrupları tərəfindən ilkin tibbi yardım göstərilib.

Təyyarədə olan 262 sərnişin və 16 ekipaj üzvü təxliyyə edilib və sərnişinlər gömrük ərazisinə aparılıb.

Aviaşirkət sərnişinlər üçün əlavə reyslər planlaşdırıb.

Şəbnəm Mehdizadə