Avropada bəzi quşların ovlanmasına icazə veriləcək

Avropa İttifaqı (Aİ) nəsli kəsilməkdə olan vəhşi göyərçinlərin ovuna qoyulan qadağanı ləğv edib.

E-huquq.az xarici mətbuata istinadən xəbər verir ki, 2021-ci ildə qüvvəyə minən qadağa ovçuların tələbləri əsasında ləğv edilib.

Yeni tənzimləmə ilə İspaniya, Fransa və İtaliyada cəmi 132 min göyərçinin ovlanmasına icazə veriləcək. 2021-ci ildə tətbiq edilən müvəqqəti ov qadağası sayəsində Qərbi Avropada vəhşi göyərçinlərin sayı 25 faiz artıb. İngiltərədə sayı 2000-ə çatan quşların Fransa, İspaniya və Portuqaliyada da populyasiyasının artdığı müəyyən edilib.

Təbiəti mühafizə təşkilatı BirdLife İnternational qadağanın aradan qaldırılmasına etiraz edib.

Şəbnəm Mehdizadə