Türkiyədə qanunsuz miqrantları daşıyan qayıq batıb, 5 nəfər ölüb

Türkiyədə qanunsuz miqrantları daşıyan qayığın batması nəticəsində 5 nəfər ölüb.

E-huquq.az “TRT Haber”ə istinadən xəbər verir ki, Çanaqqalanın Ayvacık sahillərində qeyri-qanuni miqrantları daşıyan qayığın batması barədə Sahil Mühafizəsinə məlumat daxil olub.
Bölgəyə komandalar cəlb edilib.

Komandalar rezin qayıqda olan 25 nəfəri xilas edərək sahilə çıxarıb.

5 nəfərin isə cəsədi tapılıb.

Xilas edilən miqrantlar Balıkesir və Çanaqqaladakı xəstəxanalara göndərilib.

Bölgədə axtarış xilasetmə işləri davam edir.

Şəbnəm Mehdizadə