Qəzzada ölənlərin sayı 50 423 nəfərə çatdı

İsrailin Qəzzaya hücumları nəticəsində son 24 saatda 24 nəfər ölüb, 55 nəfər yaralanıb.

E-huquq.az xəbər verir ki, bu barədə Qəzza Səhiyyə Nazirliyi açıqlama verib.

Qeyd edək ki, yanvarın 19-da əldə edilən atəşkəsi pozan İsrail ordusunun 18 martdan bu yana həyata keçirdiyi hücumlarda 1066 fələstinli həyatını itirib, 2597 fələstinli isə yaralanıb.

Ümumilikdə isə İsrailin 7 oktyabr 2023-cü ildən Qəzza zolağına təşkil etdiyi hücumlarda ölənlərin sayı 50 min 423-ə, yaralıların sayı isə 114 min 638-ə çatıb.

Qəzza zolağında dağıntılar altında hələ də minlərlə ölü olduğu bildirilir.

Humay Eminqızı