Ukraynanın Aİ-yə üzvlüyünə hazırlıq üçün “Ukraine2EU” proqramı işə salınıb

Avropa İttifaqı, Danimarka, Litva və İsveç Ukraynanın Avropaya inteqrasiyasını dəstəkləmək üçün “Ukraine2EU” proqramını işə salıblar.

E-huquq.az xəbər verir ki, Avropa İttifaqının Ukraynadakı nümayəndəliyinin məlumatına əsasən, “Ukraine2EU” proqramı üç il üçün nəzərdə tutulub və büdcəsi 16,7 milyon avro təşkil edir.

Qeyd edək ki, aprelin 1-də Avropa İttifaqının və Aİ-yə üzv dövlətlərin flaqman proqramı olan“Ukraine2EU” - Ukraynanın Aİ-yə inteqrasiyasına dəstək proqramının rəsmi açılışı olub.

Proqram lazımi islahatların həyata keçirilməsinə cavabdeh olan Ukrayna hakimiyyət orqanlarına strateji və ekspert dəstəyi göstərməklə Ukraynaya Aİ üzvlüyünə hazırlaşmağa kömək etmək məqsədi daşıyır. Bu proqram Aİ-yə daxil olmaq və zəruri islahatların həyata keçirilməsi ilə bağlı mürəkkəb prosesdə Ukrayna hakimiyyətinə dəstək üçün əsas mexanizmdir

Proqram Ukraynanın əsas hakimiyyət orqanlarına, xüsusən də baş nazirin müavini - Ukrayna ədliyyə nazirinin ofisinə, Avropa və Avro-Atlantik İnteqrasiya üzrə Hökumət Ofisinə, Ukrayna Ali Radasına, eləcə də bu səylərə töhfə verən Ukrayna ictimai təşkilatlarına strateji dəstək verir.

Humay Eminqızı