Misirdə 3 600 illik firon məzarlığı tapılıb

Arxeoloqlar Misirdə Anubis dağındakı məzarlıq kompleksində qədim Misir fironlarından birinin 3600 illik məzarını aşkar ediblər.

E-huquq.az xəbər verir ki, arxeoloji azıntı qrupunun rəhbərlərindən biri Josef Vegnerin sözlərinə görə, yeni bir firon məzarının tapılması olduqca nadir hadisədir.

Tədqiqatçılar bildirir ki, dağıdıldığı üçün məzarın hansı firona məıxsus olmasını müəyyən etmək mümkün olmayıb. Amma bu tapıntı Misir tarixinin e.ə 1640 -1540-cı illərində yaşayan və döyüşçü fironların vətən uğrunda vuruşduğu bir dövrə işıq sala biləcəyini ifadə edir.

Arxeoloqlar fironun kimliyini ortaya çıxarmaq üçün türbənin ətrafında qazıntıları davam etdirirlər. Komandanın ən böyük ümidi fironun mumiyalanmış orqanlarının saxlandığı kanopik qabları tapmaqdır.

Humay Eminqızı