Myanmada zəlzələ qurbanlarının sayı 3 minə yaxınlaşır

Myanmada baş verən dağıdıcı zəlzələ qurbanlarının sayı 2886 nəfərə çatıb.

E-huquq.az xəbər verir ki, bu barədə Çin mətbuatı məlumat yayıb.

Məlumata görə, zəlzələ nəticəsində 4639 nəfər yaralanıb, 373 nəfər isə itkin düşüb.

Hazırda xilasetmə işləri davam edir.

Çinin Myanmadakı səfirliyi humanitar yardımın göndərilməsi ilə bağlı işlərin güncəndirildiyini bildirib.

Xatırladaq ki, Çin prezidenti Si Cinpin zəlzələdən zərər çəkmiş bölgələrin sakinlərinə təbii fəlakətin nəticələrini aradan qaldırmaq və evlərini tez bir zamanda bərpa etmək üçün dəstək verməyə hazır olduğunu və qonşu respublikaya humanitar yardım kimi 100 milyon yuan (təxminən 13,8 milyon dollar) ayıracağına dair söz vermişdi.

Humay Eminqızı