ABŞ-də yük maşını aşıb, 6 nəfər yaralanıb

ABŞ-nin Boston şəhərində yük maşınının səkiyə çırpılması nəticəsində 6 nəfər xəsarət alıb.

E-huquq.az xarici mətbuata istinadən xəbər verir ki, bu barədə Boston Polis İdarəsi məlumat yayıb.

Məlumata görə, icarəyə götürülmüş yük maşını Harrison və Kneeland küçələrinin kəsişməsində səkiyə çıxıb və piyadaları vurub.

Qəza zamanı 6 nəfər yaralanıb.

Onlardan ikisinin vəziyyəti ağırdır.

Yaralılar yaxınlıqdakı xəstəxanalara aparılıb.

Şəbnəm Mehdizadə