İsrail ordusu Rafah sakinlərini şimalı tərk etməyə çağırdı

İsrail Müdafiə Qüvvələri (IDF), Qəzza zolağının cənubunda yerləşən Rafah şəhərinin Təl-Sultan bölgəsində yaşayan sakinlərə dərhal ərazini tərk edərək şimaldakı əl-Mavasi bölgəsinə köçmələri üçün təcili xəbərdarlıq edib.

E-huquq.az xəbər verir ki, bu bəyanatı İsrail ordusunun sözçüsü Aviçai Edri yayıb.

18 mart tarixində İsrail ordusu, yanvar ayında əldə edilən atəşkəs rejimini pozaraq, Qəzza zolağında genişmiqyaslı hərbi əməliyyatlara başlayıb.

Baş nazir Benyamin Netanyahunun ofisi, əməliyyatın məqsədinin bütün girovların azad edilməsi olduğunu bildirib.

HAMAS, vasitəçilərin və ABŞ prezidentinin xüsusi nümayəndəsi Stiven Uitkoffun təkliflərini rədd edib və döyüşlərin yenidən başlanmasına görə İsrail və ABŞ-ı günahlandırıb.