Qida fabrikində güclü yanğın olub, 4 nəfər tüstüdən zəhərlənib

Türkiyənin Çorum şəhərindəki sənaye bölgəsində qida fabrikində güclü yanğın baş verib.

E-huquq.az Türkiyə mətbuatına istinadən xəbər verir ki, hadisə yerinə jandarma, xilasedicilər, yanğınsöndürən və təcili tibbi yardım briqadaları cəlb olunub.

Yanğında 4 nəfər tüstüdən zəhərlənib.

Jandarma qrupları fabrik işçilərini təxliyə edib. Tüstüdən zəhərlənən 4 nəfərdən 3-ü xəstəxanaya yerləşdirilib, 1 nəfərə isə ambulator müalicə göstərilib.

Fabrikdəki yanğının hansı səbəbdən baş verdiyi hələlik məlum deyil.

Yanğının söndürülməsi üçün müvafiq tədbirlər davam etdirilir.

Şəbnəm Mehdizadə