Fəhlələri daşıyan mikroavtobus qəzaya uğrayıb, 8 nəfər yaralanıb

Türkiyənin Manisa şəhərində fəhlələri daşıyan mikroavtobus qəzaya uğrayıb.

E-huquq.az "TRT Haber"ə istinadən xəbər verir ki, Manisanın Şehzadeler rayonunda fəhlələri daşıyan idarəetmədən çıxaraq dərəyə aşıb.

Qəza zamanı sürücü də daxil olmaqla 8 nəfər yaralanıb.

Hadisə yerinə təcili yardım, polis və xilasetmə qrupları cəlb edilib.

Yaralılar ətrafdakı xəstəxanalara aparılıb.

Onların səhhətinin yaxşı olduğu bildirilib.

Şəbnəm Mehdizadə