Çin orbitə eksperimental rabitə peyki çıxarıb

Çinin "Long March 3B" raketi "Tongxin Jishu Shiyan-15" (TJS-15) eksperimental telekommunikasiya peykini uğurla orbitə çıxarıb.

E-huquq.az xəbər verir ki, bu barədə "SpaceNews" nəşri məlumat yayıb.

Raket Çinin cənub-mərkəzindəki Sıçuan əyalətindəki Xiçanq kosmodromundan buraxılıb.

Kosmik gəmi çoxzolaqlı və yüksək sürətli peyk rabitəsi texnologiyalarını sınaqdan keçirmək üçün nəzərdə tutulub.

2024-cü ilin dekabrında nəşr "TJS-13" peykini daşıyan "Long March 3B" raketinin Xiçanq kosmodromundan buraxıldığını bildirmişdi.

"SpaceNews"a görə, TJS peykləri siqnal kəşfiyyatı, erkən xəbərdarlıq və peyk yoxlama fəaliyyətləri daxil olmaqla, potensial olaraq gizli missiyaları yerinə yetirə bilən geostasionar peyklərdir.

Humay Eminqızı