ABŞ-də daha bir təyyarə qəzası baş verib, yaralılar var

ABŞ-nin Pensilvaniya ştatının Lancaster dairəsində təyyarə qəzası baş verib.

E-huquq.az xarici mətbuata istinadən xəbər verir ki, təyyarə bazar günü günortadan sonra havaya qalxıb. Lakin havaya qalxarkən təyyarənin qapısı açıq olub. Pilotun təcili eniş etmək üçün dönmə tələb etsə də küləyin səsi səbəbindən radio əlaqəsində problem yaranıb.

Təyyarə Fairview Drive və Meadowview Court arasındakı dayanacaqda sərt eniş edib və alovlanıb.

Hadisə zamanı dayanacaqda olan bir çox avtomobil də alışıb.

Hadisə yerinə dərhal tibb briqadaları, təcili yardım maşınları və yanğınsöndürmə briqadaları göndərilib.

Qəza zamanı xeyli sayda insan xəsarət alıb.

Qəzanın baş verdiyi dayanacaq Lancaster hava limanından iki küçə aralıda yerləşir və Fairview Meadows adlı qocalar evinə xidmət göstərir.

Təyyarədə neçə nəfərin olduğu barədə dəqiq məlumat hələlik təsdiqlənməyib.

Hadisə ilə bağlı istintaq davam edir.

Şəbnəm Mehdizadə