Türkiyədə torpaq sürüşməsi nəticəsində dörd nəfər yaralanıb

Türkiyənin Sinop şəhərində torpaq sürüşməsi baş verib.

E-huquq.az Türkiyə mətbuatına istinadən xəbər verir ki, Sinopun Türkeli rayonunda baş verən sürüşmə nəticəsində 3 ev uçub.

Hadisə zamanı 2 nəfər dağıntılar altında qalıb.

Əraziyə AFAD qrupları, xilasedicilər və jandarma qrupları cəlb edilib.

Hadisə yerinə baxış keçirən Sinop valisi Mustafa Özarslan bildirib ki, xilasetmə işlərinin davam etdiyini bildirib.

Təxminən 3 saat çalışdıqdan sonra dağıntılar altında qalan şəxslər xilas edilib.

Torpaq sürüşməsi nəticəsində yaralanan 4 nəfər təcili yardım maşınları ilə ətraf xəstəxanalara aparılıb.

Şəbnəm Mehdizadə