Rusiya MN: Ukrayna "Türk axını"na PUA-larla hücum edib

Volodimir Zelenskinin ABŞ-yə səfəri fonunda Ukrayna Kubandakı “Türk axını” qaz kəmərinin kompressor stansiyasına üç PUA ilə hücum etməyə cəhd edib.

E-huquq.az xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, bütün dronlar vurulub, kompressor stansiyası normal fəaliyyətini davam etdirir.

Rusiya MN-nin məlumatında qeyd olunub ki, Kiyevin PUA hücumunun məqsədi Avropa ölkələrinə qaz tədarükünü dayandırmaq olub.

Həmçinin Ukraynanın bundan əvvəl iki dəfə Rusiya infrastrukturuna hücum etməyə cəhd etməsi vurğuıamıb: yanvarın 11-də “Russkaya” stansiyasına və fevralın 17-də Kropotkinskdəki Xəzər Boru kəməri Konsorsiumunun obyektinə PUA hücumu edilib.